ပေါင်းစည်းခြင်းသည် သာ၍ကောင်းသည်

တစ်ဦးတည်း ရုန်းကန်လှုပ်ရှားနေရသောမိခင် မာရီးသည် ဘုရားကျောင်းတက်ခြင်းနှင့် ကျမ်းစာလေ့လာခြင်း၌ ပျက်ကွက်ခဲသည်။ အပတ်စဉ် သားသမီး ငါးယောက်နှင့်အတူ ဘတ်စ်ကားစီးလာပြီး ပြင်ဆင်ခြင်းနှင့် သန့်ရှင်းရေးတွင် ကူလုပ်ပေးသည်။

တစ်ခုသောတနင်္ဂနွေနေ့၌ သင်းအုပ်ဆရာက အသင်းတော်မှအသင်းသားအချို့တို့ သူတို့မိသားစုအတွက် လက်ဆောင်များ လှူဒါန်းထားကြောင်း မာရီးအားပြောပြသည်။ ဇနီးမောင်နှံနှစ်ဦးက သက်သာသောဈေးနှုန်းဖြင့် သူတို့မိသားစုကို အိမ်ငှားသည်။ အခြားဇနီးမောင်နှံက သူတို့၏ကော်ဖီဆိုင်၌ သူမကို ခံစားခွင့်များနှင့် အလုပ်ခန့်သည်။ လူငယ်တစ်ဦးက သူပြန်လည်မွမ်းမံထားသော ကားအဟောင်းကို ပေးသည့်အပြင် သူ၏စက်ပြင်ဆရာအဖြစ် လုပ်ဆောင်ပေးမည်ဟု ကတိပေးခဲ့သည်။ ဘုရားရှင်နှင့်အချင်းချင်းကို ကူညီရိုင်းပင်းအစေခံသော ဤအသိုင်းအဝိုင်း၌ ပျော်ရွှင်စွာနေထိုင်ရ၍ မာရီးသည် ဘုရားသခင်အား အလွန်ကျေးဇူးတင်မိသည်။

မာရီး၏အသင်းတော်မိသားစုကဲ့သို့ ကျွန်ုပ်တို့ရက်ရောစွာ ပေးကမ်းနိုင်ချင်မှပေးကမ်းနိုင်မည်ဖြစ်သော်လည်း ဘုရားသားသမီးများအချင်းချင်း မစရန် ဘုရားရှင် အကြံအစည်ရှိပါသည်။ ယုံကြည်သူများအား “တမန်တော်တို့၏ ဆုံးမသြဝါဒကို ခံခြင်း”၊ “အပေါင်းအသင်းဖွဲ့ခြင်း” တို့၌ “စိတ်နှစ်မြှုပ်”ထားကြသူများဟု ခရစ်ဝင် ကျမ်းရေးသူ ရှင်လုကာက…

ဝမ်းမြောက်ရသည့် အကြောင်းအရင်းများ

အသင်းတော်ရှိ လူအများ မိတ်သဟာယဖွဲ့ရာနေရာသို့ မစ္စ် ဂလန်းဒါ ဝင်လာတိုင်း အခန်းတစ်ခုလုံးသို့ သူမ၏ဝမ်းမြောက်ခြင်းများ ကူးစက်ပျံ့နှံ့သွားသည်။ ခက်ခဲသည့် ဆေးဝါးကုသမှုခံယူခဲ့ရာမှ သူမ ပြန်လည်သက်သာလာခါစဖြစ်ပြီး ပုံမှန်ပြုလုပ်နေကျ ဘုရားကျောင်းပြီးချိန် နှုတ်ဆက်ခြင်းအစီအစဥ်အတွက် သူမ ကျွန်မထံ ရောက်လာရာ၊ ပြီးခဲ့သည့်နှစ်များတစ်လျှောက် ကျွန်မနှင့်အတူ သူမငိုကြွေးခဲ့ခြင်း၊ နူးညံ့စွာ အမှားထောက်ပြပြုပြင်လျက် ခွန်အားပေးခဲ့သည့်အချိန်တိုင်းအတွက် ဘုရားသခင်အား ကျေးဇူးတင်မိသည်။ သူ့ကြောင့် ကျွန်မ၏ခံစားချက်များ နာကျင်ထိခိုက်ရသည်ဟု ယူဆသည့်အခါတိုင်း သူမကိုခွင့်လွှတ်ရန်ပင် ပြောခဲ့သည်။ မည်သည့် အခြေအနေမျိုးပင်ဖြစ်ဖြစ် ကျွန်မ၏ရုန်းကန်နေရမှုများကို သူမအား ရိုးသားပွင့်လင်းစွာ ဝေမျှရန်နှင့် ကျွန်မတို့၌ ဘုရားသခင်အား ချီးမွမ်းရန် အကြောင်းအရင်းများစွာ ရှိနေကြောင်းကို သူမက သတိပေးသည်။

အမေဂလန်းဒါသည် (သူမအား ထိုသို့ခေါ်ရန် ကျွန်မကို ခွင့်ပြုထားသည်) ကျွန်မအား နူးညံ့ညင်သာစွာ ပွေ့ဖက်ပြီး “ကလေးရေ” ဟုခေါ်သည်။ ကျွန်မတို့ ခဏမျှ စကားစမြည်ပြောပြီး အတူတူ…

ဝမ်းနည်းကြေကွဲခြင်းနှင့် ကျေးဇူးသိတတ်ခြင်း

ကျွန်မအမေ ဆုံးသွားပြီးနောက် သူမ၏အဖော် ကင်ဆာလူနာချင်းတစ်ဉီးက ကျွန်မထံလာပြီး “အစ်မအမေက ကျွန်မကိုသိပ်ကြင်နာတာပဲ။ ကျွန်မအစား သူသေသွားတာ အရမ်းဝမ်းနည်းတယ်” ဟု ရှိုက်ကြီးတငင် ငိုကြွေးပြီး ပြောခဲ့သည်။

“အစ်မအမေက ညီမကိုချစ်တယ်။ ညီမရဲ့သားတွေကြီးပြင်းလာတာကို ညီမ မြင်တွေ့ခွင့်ရဖို့ ဘုရားသခင်ဆီမှာ အစ်မတို့အတူ ဆုတောင်းပေးခဲ့တယ်”ဟု ကျွန်မ ပြောပြီး၊ သူ့လက်ကိုဆုပ်ကိုင်ရင်း သူမနှင့်အတူငိုကြွေးကာ၊ သူမသည် ငြိမ်ဝပ်လျက် ပူဆွေးရန် မစမည့်အကြောင်း ကျွန်မဆုတောင်းပေးခဲ့သည်။ လတ်တလောတွင် သူမ၏ဝေဒနာသက်သာလာပြီး သူမခင်ပွန်းနှင့် ကြီးပြင်းလာမည့်ကလေးနှစ်ဉီးကို ဆက်ချစ်ခွင့်ရသည့်အတွက် ဘုရားရှင်အား ကျေးဇူးတင်ပါသည်။

ယောဘသည် သားသမီးများအပါအဝင် အရာအားလုံး ဆုံးရှုံးလိုက်ရခြင်းကြောင့် သူ့ပူဆွေးသောက၏နက်နဲမှုကို သမ္မာကျမ်းမှဖော်ပြထားသည်။ ယောဘသည် ပူဆွေးမှုဖြင့် “မြေပေါ်မှာဝပ်လျက် ကိုးကွယ်”သည် (ယောဘ ၁:၂၀)။ ဝမ်းနည်းကြေကွဲမှု၊ မျှော်လင့်ခြင်းကိုပြသည့် ဝန်ခံအပ်နှံမှု၊ ကျေးဇူးသိတတ်မှုဖြင့် “ထာဝရ ဘုရားပေးတော်မူ၏။ ထာဝရဘုရားလည်း ရုပ်သိမ်းတော်မူ၏။ ထာဝရဘုရား၏ နာမတော်သည်…

ကောင်းကင်ဘုံ၌ ပြန်လည်ပေါင်းစည်းတွေ့ဆုံပွဲ

ကျွန်မမိခင်၏နာရေးကြော်ငြာ ရေးနေစဥ် ‘ကွယ်လွန်သည်’ ဟူသည့်စကားစုက ကောင်းကင်ဘုံ၌ ပြန်လည်ဆုံစည်းရမည်ဟူသည့် ကတိတော်အပေါ် ကျွန်မ၏ မျှော်လင့်ခြင်းအတွက် အဆုံးသတ်စကားလုံး ဖြစ်ပုံပေါ်သည်ဟု ခံစားရသည်။ ထိုကြောင့် “သူမသည် သခင်ယေရှု၏ရင်ခွင်တော်သို့ ကြိုဆိုပွေ့ဖက်ခြင်းခံရသည်” ဟု ရေးခဲ့သည်။ သို့သော် တစ်လောက ရိုက်ထားသည့် ကျွန်မ၏မိခင် မပါဝင်သောမိသားစုဓာတ်ပုံများ ပြန်ကြည့်မိသည့်နေ့က ကျွန်မစိတ်မကောင်းဖြစ်မိသေးသည်။ မကြာမီက ကွယ်လွန်သွားပြီဖြစ်သည့် မိသားစုဝင်များကို မိသားစုပုံတူပန်းချီကားတွင် ထည့်သွင်းရေးဆွဲသည့် ပန်းချီဆရာကို ကျွန်မတွေ့ခဲ့သည်။ ထိုပန်းချီဆရာသည် ကျွန်မတို့အရင် ကွယ်လွန်သွားကြသည့် ကျွန်မတို့ချစ်ခင်ရသူတို့၏ဓာတ်ပုံကို ကြည့်ပြီး မိသားစုပန်းချီကားတွင် သူတို့အား ထည့်သွင်းရေးဆွဲသည်။ စုတ်တံတစ်ခု၏ စုတ်ချက်များအားဖြင့် ထိုပန်းချီပညာရှင်သည် ကောင်းကင်ဘုံ၌ ပြန်လည်ပေါင်းစည်းတွေ့ဆုံရမည့် ဘုရားသခင်၏ကတိတော်ကို ပြသသည်။ ကျွန်မ၏ နံဘေး၌ ကျွန်မ၏မိခင်ပြုံးလျက်ရှိနေပုံကို ပြန်လည်တွေ့မြင်ရမည်ဟူသည့်အတွေးကြောင့် ကျေးဇူးတင်စိတ်ဖြင့် ကျွန်မမျက်ရည်ကျခဲ့ပါသည်။

အခြားသူတို့ ဝမ်းနည်းသကဲ့သို့ ကျွန်မတို့ဝမ်းနည်းစရာ မလိုကြောင်း (၁ သက် ၄:၁၃)၊…

ချစ်မေတ္တာ၌ တည်နေသည်

ကျွန်မအမေနှင့် အတူနေပြီး သူမအား ပြုစုရန် ကင်ဆာပြုစုစောင့်ရှောက်ရေး စင်တာသို့ ကျွန်မရောက်လာခဲ့သည်။ မိုင်ပေါင်း ၇၅၀ ကျော် အဝေး၌ ကျွန်မမိသားစု၊ အသိုင်းအဝိုင်း၏ ထောက်မမှုတို့ကို ချန်ရစ်ပြီး ထွက်လာခဲ့ရခြင်းကြောင့် ကျွန်မအထီးကျန်၍ ကြောက်ရွံ့သကဲ့သို့ ခံစားနေရသည်။ ကျွန်မ၏လက်ဆွဲအိတ်ကို မဆွဲမမီမှာပင် အားပါးတရပြုံးတတ်သူ ဖရန့်ခ်က ကူညီရန် ကမ်းလှမ်းခဲ့သည်။ (၆) လွှာရှိ အဆောင်သို့ ကျွန်မတို့ရောက်သော် ဖရန့်ခ်ဆေးကုသမှုခံယူစဉ် သူ့အားစောင့်ရှောက်ခဲ့သည့် သူ့ဇနီးသည် လိုရီနှင့်တွေ့ရန် ကျွန်မဆုံးဖြတ်လိုက်သည်။ ကျွန်မတို့သည် ဘုရားသခင်နှင့် အချင်းချင်းအပေါ် အမှီသဟဲပြုလျက် သူတို့ဇနီးမောင်နှံနှင့် မိသားစုသဖွယ် ဖြစ်လာသည်။ ကျွန်မတို့အတူတကွ ရယ်မောကြ၊ ရင်ဖွင့်ကြ၊ ငိုကြ၊ ဆုတောင်းကြသည်။ ကျွန်မတို့သည် အိမ်ကို ချန်ရစ်ခဲ့ရ၍ ခံစားရသော်လည်း အချင်းချင်းကို အားပေးကူညီရင်း ဘုရားသခင်နှင့်အကျွမ်းဝင်မှု၊ အချင်းချင်းကြား အကျွမ်းဝင်မှုက ကျွန်မတို့ကို မေတ္တာ၌တည်စေခဲ့သည်။

ရုသသည် သူ၏ယောက္ခမနောမိအား ပြုစုရန်…

ထွန်းလင်းတောက်ပလျက် လွင့်မျောသူများ

၂၀၂၀ ခုနှစ် နွေဦးရာသီ၏ ညကောင်းကင်အောက်တွင် ရေလွှာလျှောစီးသူများ သည် အမေရိကန်နိုင်ငံ၊ စန်ဒီရေဂို ကမ်းရိုးတန်းတစ်လျှောက် ဇီဝအလင်းဖြာထွက်နေသောလှိုင်းများကို စီးနေကြသည်။ ဤအလင်းပြပွဲသည် ‘Phytoplankton’ (ဖိုင်တိုပလန်တန်)ဟုခေါ်သော အဏုကြည့်သက်ရှိများကြောင့် ဖြစ်ရခြင်းဖြစ်သည်။ ထိုဝေါဟာရသည် ‘wanderer - လှည့်လည်သူ’ (သို့) ‘drifter - လွင့်မျောသူ’ ဟုအဓိပ္ပာယ်ရသော ဂရိစကားမှ ဆင်းသက်လာသည်။ နေ့ခင်းဘက်တွင် ထိုသက်ရှိများက အနီရောင် ဒီရေများကို ဖန်တီးပြီး ဓာတုစွမ်းအင်အဖြစ် ပြောင်းလဲ‌ပေးသည့်နေရောင်ခြည်ကို ဖမ်းယူကြသည်။ အမှောင်ထုက ထိုးဖောက်နှောင့်ယှက်လာသောအခါ ၎င်းတို့သည် အပြာရောင်လျှပ်စစ်အလင်းတန်းကို ထုတ်ပေးပါသည်။

သခင်ယေရှုကို ယုံကြည်သူများသည် ကောင်းကင်နိုင်ငံတော်သားများဖြစ်ပြီး အနီရောင်ရေညှိဒီလှိုင်းများပမာ လောကကြီးထဲတွင် လှည့်လည်သွားလာသူများ (သို့) လွင့်မျောသူများကဲ့သို့ ဖြစ်သည်။ အခက်အခဲများက ကျွန်ုပ်တို့၏အကြံအစည်ကောင်းများကို နှောင့်ယှက်သောအခါ၊ လောက၏အလင်းဖြစ်သော သခင်ယေရှုကဲ့သို့ အမှောင်ထဲတွင် ရောင်ပြန်ထွန်းလင်းသောစရိုက်လက္ခဏာကို ကျွန်ုပ်တို့ထင်ဟပ်ပြသနိုင်ရန် သန့်ရှင်းသောဝိညာဉ်တော်က မစပေးနေသည်။ တမန်တော်…

ထိန်းသိမ်းကွပ်ကဲရသည့် အခွင့်ထူး

အားလပ်ရက်ခရီးထွက်စဉ်က ကျွန်မနှင့်ကျွန်မအမျိုးသားတို့ ကမ်းခြေတစ်လျှောက် လမ်းလျှောက်ရင်း လျော့ရိလျော့ရဲ ခြံခတ်ထားသော လေးထောင့်ကွက်သဲမြေထုကြီးကို အမှတ်မထင်တွေ့ခဲ့သည်။ ပင်လယ်လိပ်တစ်ကောင်စီ၏ ဥကျင်းများကို ကာကွယ်ရန် တာဝန်ယူထားသော လုပ်အားပေးအဖွဲ့နှင့် တစ်နေကုန် အလုပ်လုပ်ခဲ့ရကြောင်း လူငယ်တစ်ဦးက ရှင်းပြသည်။ ဥမှပေါက်သည်နှင့် လူသားများနှင့် အခြားတိရစ္ဆာန်များရှိနေမှုက ၎င်းတို့၏ရှင်သန်ရေးကို ခြိမ်းခြောက်နေပြီး အသက်ရှင်ရန်အခွင့်အလမ်း လျော့နည်းစေသည်။ “ကျွန်တော်တို့ အကောင်းဆုံးလုပ်တာတောင် သိပ္ပံပညာရှင်‌တွေရဲ့ခန့်မှန်းချက်အရ အကောင်ရေ (၅၀၀၀)မှာ တစ်ကောင်ပဲ အရွယ်ရောက်အကောင်ကြီးဘဝ ရောက်နိုင်တယ်” ဟု သူပြောပြခဲ့သည်။ သို့သော် ဆိုးရွားလှသည့် ဤကိန်းဂဏန်းကြောင့် ထိုလူရွယ် စိတ်မပျက်ပါ။ လိပ် အ‌‌ကောင်ပေါက်လေးများကို ကြင်နာစွာကြည့်ရှုလိုသည့် သူ၏စိတ်ပြင်းပြမှုသည် ပင်လယ်လိပ်များကိုချစ်ပြီး ကာကွယ်လိုသော ကျွန်မ၏စိတ်ဆန္ဒကို ပိုမိုအားကြီးစေခဲ့သည်။ဘုရားဖန်ဆင်းထားသည့် သတ္တဝါအားလုံးကို ဂရုစိုက်ရန် ဘုရားပေးတာဝန်ကို သတိပေးသည့် ပင်လယ်လိပ်လည်ဆွဲသီးကို ယခုကျွန်မဆွဲထားသည်။

ကမ္ဘာလောကကို ဘုရားသခင်ဖန်ဆင်းသည့်အခါ သတ္တဝါ‌အယောက်စီတိုင်းနေထိုင်ပြီး ရှင်သန်နိုင်သည့်နေရာကို သူပြင်ဆင်ပေးသည် (က ၁:၂၀-၂၅)။…

အာကာသမှပွဲတော်မင်္ဂလာ

၁၉၆၉ ခုနှစ်၊ ဇူလိုင်လ ၂၀ ရက်တွင် အပိုလို ၁၁ ၏ Eagle lunar module (အီးဂဲ လူနာ မော်ဂျူး) အာကာသယာဥ်သည် လပေါ်ရှိ Sea of Tranquility (ငြိမ်သက်ခြင်းပင်လယ်)စခန်း၌ ဆင်းသက်သောအခါ အာကာသယာဥ်မှူးများသည် လမျက်နှာပြင်ပေါ်ခြေမချမီ ကိုယ်ခန္ဓာတည်ငြိမ်မှုရရန် အချိန်ယူခဲ့ရသည်။ အာကာသယာဉ်မှူး Buzz Aldrin (ဘဇ်အောဒရင်း)သည် ပွဲတော်သုံးဆောင်ရန်အတွက် မုန့်နှင့်စပျစ်ရည်ယူဆောင်လာရန် ခွင့်ပြုချက်ရရှိထားပြီးဖြစ်သည်။ ကျမ်းစာဖတ်ပြီးနောက် လပေါ်တွင် ပထမဆုံးသောအစာကို အရသာခံစားခဲ့ရသည်။ “အသင်းတော်က ပေးလိုက်တဲ့ခွက်ထဲ စပျစ်ရည်လောင်းထည့်လိုက်တဲ့အခါ လရဲ့ခြောက်ပုံတစ်ပုံဆွဲငင်အားမှာ စပျစ်ရည်က ခွက်တစ်ဘက်ကို ဖြည်းညင်းစွာ ကွေးညွှတ်တက်သွားတယ်”ဟု နောက်ပိုင်းတွင် သူရေးသားခဲ့သည်။ အောဒရင်းသည် အာကာသ၌ ပွဲတော်ခံယူခြင်းအမှုကို ကြည်နူးသည်နှင့်အမျှ သူ၏လုပ်ရပ်က ခရစ်တော်ကားတိုင်ပေါ်တွင် အသက်စွန့်ပူဇော်ခဲ့ခြင်းနှင့် ခရစ်တော်ဒုတိယအကြိမ် ကြွလာခြင်း အာမခံချက်ကို သူ့ယုံကြည်ကြောင်း ကြွေးကြော်ခြင်းဖြစ်သည်။

“ရန်သူလက်သို့အပ်နှံခြင်းကို ခံသောနေ့ည”တွင်…

ဘုရားသခင်၏ပြင်ဆင်ထောက်ပံ့ပေးမှု

သုံးနှစ်သား ဘာဒီနှင့် သူ့မိခင်သည် အစားအသောက်အမှုတော်၏ ကုန်တင်ကားပေါ်မှ စားသောက်ကုန်များကို ကူချပေးရန်အတွက် အပတ်စဥ် ဘုရားကျောင်းသို့သွားကြသည်။ သူ့အမေက အဖွားဖြစ်သူအား ပစ္စည်းလာပို့မည့်ကား ပျက်ကြောင်းပြောသံကို ဘာဒီကြားသွားသောအခါ “အိုး သွားပါပြီ။ အစားအသောက်တွေဘယ်လိုဝေကြတော့မှာလဲ” ဟုပြောပါသည်။ ထရပ်ကား အသစ်ဝယ်ရန် အသင်းတော်မှ အလှူငွေရှာရမည်ဟု သူ့မိခင်က ရှင်းပြသည်။ ဘာဒီသည် ပြုံးပြီး “သားမှာ ပိုက်ဆံရှိတယ်”ဟုပြော၍ အခန်းထဲမှ ထွက်သွားပြီး၊ အကြွေစေ့များနှင့်ပြည့်နေသော ရောင်စုံကပ်ခွာများဖြင့် အလှဆင်ထားသည့် ပလတ်စတစ်ဘူးကို ယူလာသည်။ အကြွေစေ့က ၃၈ ဒေါ်လာကျော်မျှရှိသည်။ ဘာဒီ၌ ငွေများများစားစား မရှိသော်လည်း အသင်းတော်အနေဖြင့် ပတ်ဝန်းကျင်၌ ဆက်လက်အမှုတော်ဆောင်နိုင်ရေး ဘုရားသခင်က သားလေးဆက်ကပ်ပေးခဲ့သော အလှူငွေအပြင် အခြားသူများ၏မစပါဝင်မှုတို့ဖြင့် အအေးခန်းထရပ်ကားအသစ်တစ်စီး ဝယ်ယူနိုင်ခဲ့သည်။

ရက်ရောစွာပေးကမ်းသော ပမာဏအနည်းငယ်သည် ဘုရားသခင်လက်ဝယ် ရောက်ရှိသွားသောအခါ လုံလောက်သည်ထက် အမြဲပိုလျှံနေပါသည်။ ဓမ္မရာဇဝင်စတုတ္ထစောင် ၄ တွင် ဆင်းရဲသောမုဆိုးမသည်…

မျှော်လင့်ခြင်းသက်တန့်များ တွေ့ရှိခြင်း

အောက်တိုဘာအားလပ်ရက်တစ်ခုတွင် နာတာရှည်ရောဂါကြောင့် နာကျင်ခံစားရမှုမှ ပြန်လည်နာလန်ထူနိုင်ရန် ကျွန်မအခန်းအောင်းပြီး ရက်အနည်းငယ် အချိန်ယူ အနားယူခဲ့ရသည်။ ကျွန်မ၏ခံစားချက်မှာလည်း ကောင်းကင်ပြင်ကဲ့သို့ အုံ့မှိုင်းနောက်ကျိနေခဲ့သည်။ နောက်ဆုံး ကျွန်မခင်ပွန်းနှင့် အနီးအနားရှိမီးပြတိုက်၌ ရှုခင်းကြည့်ရန် ထွက်ခဲ့သော်လည်း မီးခိုးရောင်တိမ်များက မြင်ကွင်းအတော်များများကို ပိတ်နေခဲ့သည်။ ထိုသို့ဖြစ်သည့်တိုင် အရိပ်ကျနေသည့်တောင်တန်းများနှင့် မှိုင်းမှုန်နေသည့် မိုးကုတ်စက်ဝိုင်းကို ကျွန်မ ဓာတ်ပုံအချို့ ရိုက်ယူခဲ့သည်။

နောက်ပိုင်းတွင် တစ်ညလုံးမိုးရွာသွန်းမှုကြောင့် စိတ်ပျက်ခဲ့ရပြီး ဒစ်ဂျစ်တယ်ကင်မရာမှ ဓာတ်ပုံများကို သာမန်ကာလျံကာ ကြည့်ဖြစ်သည်။ ပြီးနောက် ပင့်သက်ရှိုက်ရင်း ကျွန်မခင်ပွန်းကို ကင်မရာ ပေးလိုက်သည်။ “သက်တန့်!”။ စောစောက စိတ်ညှိုးငယ်မှုကိုသာ အာရုံစိုက်ခဲ့သဖြင့် ဘုရားသခင်က ပင်ပန်းနွမ်းနယ်နေသည့် ကျွန်မစိတ်ကို မျှော်လင့်မထားသည့် မျှော်လင့်ချက်ဖြင့် လန်းဆန်းစေခဲ့သည့်အရာကို မမြင်ဘဲ လွတ်သွားခဲ့ပါသည် (က ၉:၁၃-၁၆)။

ရုပ်ပိုင်းဆိုင်ရာ (သို့) စိတ်ပိုင်းဆိုင်ရာဝေဒနာများသည် ကျွန်မတို့ကို စိတ်ပျက်အားငယ်မှုဆီသို့ မကြာခဏ ဆွဲခေါ်သွားနိုင်သည်။ ပြန်လည်လန်းဆန်းမှုကို…